دعمة البرازيلي

لم تكن وكعتي من الكيه اخر المطاف .. فقد استمر مسلسل حوادث الشوارع المبلطه وغير المبلطه معي ..
واليوم راح احجيلكم شلون دعمتني البرازيلي ...
اوكفو خل الصوره تصير مغوشه عود دا اتذكر ...
فد يوم راجع من الاعداديه (هالاعداديه الكشره هاي المن وراهه وكعت من الكيه ) ووصلت بسلام الى الشارع اللي بس اعبره اوصل البيتنه (موقع تجاري عله شارع عام غرفتين نوم وهول واستقبال وحمام ومطبخ ) ما انتبهت ان الشارع الراجع مو الرايح مكطوع والسيارات دتروح وتجي من شارع واحد...
اووووف اووف ...
هوه اني شايل الكتب دا اعبر الشارع اللي يعبرنه عله بيتنه وعيني بس اسمعلك طاااااااااااااااااط...
هيه طاط وهوه فخذي بعد ما حسيت بيه !!
وكعت بالكاع..عله ظهري ومن كثر ما تعبان صابتني حركه.. وحته السمج بالماي يثرم زلاطه ..
اووو هاي اني وين رحت ؟؟؟؟؟ظظ
من كثر ما تعبان بقيت بالكاع وما كمت بعد ...
بس كمت ..
وبروح حديديه مزنجره من المطر ..
اباوع واذا بيهه برازيلي ..
ياجماعه شكد اني سامع الحديد قوي بس مثل حديد البرازيلي ما شايف..
لاول مره احس الحديد شكد صلب ومثل ما كال عنتره العبسي (اذا لم افك الحديد اغير اسمي من عنتره الى فريد !!)!!!!!!!!
اجيت عالسايق جماله ما ينزل من السياره و مشغل (اه ونص ) ولك يا ااااه ..
ولك كمت اصيح عااااااااااااااااااااااااااااااااااه !!!!!!!
واني همين انهديت بيه ..
ومثل ما كلتلكم لا تلزموني لان اضربكم ..
كلي اصعد واني اوصلك بعد ما اعتذرلي ..
(هوه اعتذاره بيا جيب اخليه فخذي كله راح)..
كتله لا وصلت هاذه بيتنه ..
راد يحرك كلت هسه اني ضاربني واخليه يروح ببلاش ..
اشو الا توصلني !!
وصلني وكلي شتريد اني بخدمتك .. واجيك اليوم العصر ..
وهالروحه روحه ..
وبقيت اني اندب حظي العاثر ..
وهكذا عاش ثعلب الصحراء اطول مما عاش داعمهو بالبرازيلي ..
وبقه بس بيت الشعر اللي يكول:
يا محله البرازيلي حين ارجبنه .. وامشي به التسعين بتايرات فروري
لا اشارات حمر ولا صفر يوجفنه .. واضرب الاشارات كدام المروري
وارجو من الله ان يحفظنه..من شر السكسويلات والعدوان الشروري ..
ودمـــــــــــــ سالمين ـــــــــــــــــم..
اخوكم
ثعلب الصحراء
__________________

علي كلبك صخر قاسي ولا حان
و سهامك صوبن كليبي ولا احان
لو ان ما صار الي كلبك ولا حان
يحين الموت وتحين المنيه