هلو حشاشه جمع
اليوم جايبلكم شعر على البنات بس ليزعلون علينه الي بالمنتدى
نبدي
كتلك لاتأمن ذني غدارات
واطلع من اسولف والله عن طوري
ولاتسألني عافتني ليش شلون
جي شافتك زوج وضربتك بوري
البنات بهالوكت لا مايعرفن عيب
وصلفات وجذب من كال ينردن
واذا ماصدكت خلي اني اضل جذاب
ويجي يوم ولابد على عقلك يضحكن
من يمشن سوه قمة شرف واخلاق
بس هناك المصيبه شلون لو كعدن
اجم شاب ومراهق ماينام الليل
وبحال الشباب شسون شلعبن
لعبن بالشباب افلام يابو افلام
ويضربنهم بواري وجذب ينضربن
وخطيه الي يحب حسباله وفايات
ولك كلهن خيانه وابد مايوفن
اذا يحجن غرام وكله حب اوراق
هواي من الغزل فوك الورق كتبن
ماصدك جذب منا لحد هنا
تعلمني بحجيهن كلهن يجذبن
عرايس خاف اكلك واضلم العرسان
يلطمن لطم لو رادن يطلعن
من الاحمر والاخضر هذا مو بنصاف
واشكال الصبغ لوجوهم حطن
لا ام التحاسب لا ابو النشاد
ولا واحد رقيب هناك لو طلعن
اني امشي ويه امي ومستحي وخجلان
وهنه ويه الولد بالشارع يضحكن
وحته عيونهن ماضل عليهن لون
كل لحضه بشكل كل ساعه ينكلبن
اضافرهن لزك ورموشهن تركيب
وعقل راسي بوضعهن راح يجنن
موبس عالبشر لعبن بنات اليوم
حتى بخلقة الله كامن يلعبن
كبل عدنه الولد معروف من يصجمون
هوايه من المواقف على الولد ثبتن
انكلبت الايه وهسه البنيات
لبسن بنطرون وكامن يصجمن
وموكلهن سوه وكل البنات خفاف
ولانضلم بختنه وبالبشر نطعن
اكو بيهن اشراف وتاج فوك الراس
واكو بيهن حشاكم فلس مايسون
موضوع: في اطار الحرب على الحاتات 
الجمعة أكتوبر 05, 2007 3:34 pm
